നഗ്‌നരായവർ ഹൂസ്റ്റണിൽ മറ്റുള്ളവരെ തുണി ഉടുക്കാൻ പഠിപ്പിക്കുന്നു. 

December 02 00:27 2022 by padayali Print This Article

കർത്താവിൽ വലിയ റവ/ ഡ്രർർ ദാസന്മാരോടും, ഇമ്മിണി ബല്യ വിശ്വാസികളോടും വിനയപൂർവ്വം ഒരു വാക്ക്…നിങ്ങളുടെ രക്ഷ ഉറപ്പാക്കിയിട്ട് പോരെ നിങ്ങൾ മറ്റുള്ളവരെ സ്വർഗ്ഗത്തിലേക്ക് തള്ളിക്കയറ്റുവാൻ കഠിനാധ്വാനം നടത്തുന്നത്? ” ഞണ്ടിനെ പോലെ പുറകോട്ടു നടക്കുന്ന നിങ്ങൾ മറ്റുള്ളവരെ നേരെ നടത്താൻ നിങ്ങളുടെ മേലുള്ള ആത്മഭാരം കൂടുതലുള്ളതുകൊണ്ടാണെന്ന് പ്രത്യക്ഷത്തിൽ തോന്നുമെങ്കിലും സർവ്വ ആഭാസത്തരങ്ങളിലേക്ക് ഉള്ള അന്തർധാര സജീവമാണെന്നും അത് ചുറ്റുമുള്ള പലർക്കും അറിയാം എന്നും നിങ്ങൾ അറിയുന്നില്ലല്ലോ?

രണ്ടു പതിറ്റാണ്ടിൽ കൂടുതലായി വിശ്വാസികളെ വഞ്ചിച്ചുകൊണ്ടിരിക്കുന്ന പഴയ പാമ്പിനെ കൊട്ടാരക്കരയിൽനിന്നും എഴുന്നുള്ളിച്ചു ഹൂസ്റ്റണിൽ കൊണ്ടുവന്ന് ഇന്നുമുതൽ അനുഗ്രഹം ഉലുത്തി മറിക്കുന്നു. ഈ പാമ്പിനെ തോളിൽ ഇട്ടുനടക്കുന്ന മാന്യന്മാരായ ഞണ്ടുകളുടെ വീരകൃത്യങ്ങൾ നിങ്ങൾ അറിഞ്ഞിരിക്കേണം. മദ്യപന്മാർ ( ശനിയാഴ്ച്ച വൈകിട്ട് മദ്യപിക്കില്ല ) പെണ്ണു പിടിയന്മാർ തുടങ്ങി സെക്സ് ഹരാസ്‌മെന്റിന് പോലീസ് അറസ്റ്റ് ചെയ്തവന്മാർ വരെയാണ് ഈ ആത്മീയ മുന്നേറ്റത്തിന്റെ പിന്നിൽ.
കൗൺസിലിംഗിന്റെ മറവിൽ ഒരു സ്ത്രീയോട് ലൈംഗികാതിക്രമം ( ഇത് ആ ലൈംഗിക അതിക്രമത്തിന് ഇരയായ സഹോദരി തന്നെ എഴുതി പുറത്തുവിട്ട വാർത്ത അമേരിക്കൻ മലയാളി പത്രങ്ങൾ റിപ്പോർട്ട് ചെയ്തിരുന്നു) നടത്തിയ ഒരു റവ- ഡ്രർർ വരെയുണ്ട്. ( ചരിത്രങ്ങൾ പിന്നാലെ )

90 % സാധാ വിശ്വാസികൾ ദൈവസന്നിധിയിൽ സത്യസന്ധതയോടെ ജീവിക്കുന്നു. നിങ്ങളുടെ പൊളിറ്റിക്സും തരികിടയും മൂലം അവരും ഇതിലേക്ക് ഇടിഞ്ഞുവീഴുന്നു. നിങ്ങളുടെ ഓട്ടവും അധ്വാനവും പരിഹാസ്യം ആവുകയും ചെയ്യുന്നു.

റെഡി- വൺ – ടു- ത്രീ ….. ഫയർർ൪ർ…

നിങ്ങൾ സ്വർഗ്ഗത്തിൽ പോയില്ലെങ്കിലും ശരി 10 പേരെ എങ്ങനെയെങ്കിലും സുവിശേഷം അറിയിച്ചു സ്വർഗ്ഗത്തിൽ എത്തിക്കാനുള്ള ബദ്ധപ്പാട് കണ്ട് ചുറ്റുമുള്ളവർ ഊറിച്ചിരിക്കുകയാണ് എന്ന് നിങ്ങൾ അറിയുന്നില്ല. നിങ്ങൾ നഗ്നർ എന്ന് നിങ്ങൾ അറിയാത്തതുകൊണ്ട് വല്ലപ്പോഴും സ്വയം തപ്പി നോക്കുന്നത് നന്നായിരിക്കും.
ചുരുക്കി പറഞ്ഞാൽ അവരവരുടെ സഭകളിലെ ദൈവദാസന്മാരുടെ ദൈവ വചന ധ്യാനവും ആരാധനയും ഉൾക്കൊണ്ട്‌ ഭയത്തോടെ, ഭക്തിയോടെ ജീവിക്കുന്ന സാധാ വിശ്വാസികൾക്ക് പണി ഉണ്ടാകരുത്‌ എന്നു സാരം…..!