സമരം ചെയ്ത ജിഷ്ണുവിന്റെ അമ്മയെ റോഡിലൂടെ വലിച്ചിഴച്ചു

എന്നാല്‍ ആറ് പേര്‍ക്ക് ഡിജിപിയെ കാണാമെന്നും ബാക്കിയുള്ളവര്‍ പിരിഞ്ഞുപോകണമെന്നും പോലീസ് പറഞ്ഞു. അല്ലാത്തപക്ഷം അറസ്റ്റ് ചെയ്യുമെന്നും പോലീസ് അറിയിച്ചു.അങ്ങനെയെങ്കില്‍ അറസ്റ്റ് ചെയ്യൂ എന്ന നിലപാടാണ് ബന്ധുക്കള്‍ എടുത്തത്.
ഇതിനെ തുടര്‍ന്ന് പോലീസ് ബന്ധുക്കളെ അറസ്റ്റ് ചെയ്ത് നീക്കി. ജിഷ്ണുവിന്റെ അമ്മ മഹിജയെ പോലീസ് റോഡിലൂടെ വലിച്ചിഴച്ചു. പോലീസ് നടപടിയില്‍ ജിഷ്ണുവിന്റെ അമ്മ മഹിജക്ക് പരിക്കേറ്റിട്ടുണ്ട്. ഇവരെയും സമരം നടത്തിയ മറ്റ് ബന്ധുക്കളെയും പിന്നീട് പോലീസ് എആര്‍ ക്യാംപിലേക്ക് മാറ്റി.
ഇതിനിടയില്‍ ജിഷ്ണുവിന്റെ അമ്മ മഹിജയെ ഡിജിപി ചര്‍ച്ചക്ക് വിളിച്ചു. എന്നാല്‍ പോലീസ് ആസ്ഥാനത്തേക്ക് കടക്കാന്‍ പോലും പോലീസ് അനുവദിച്ചില്ല. പോലീസ് ആസ്ഥാനത്തിന് മുന്നില്‍ സമരം നടത്താന്‍ പാടില്ലെന്ന നിലപാടാണ് പോലീസ് എടുത്തത്.
ജിഷ്ണുവിന്റെ കുടുംബം സമരം നടത്താന്‍ തീരുമാനിച്ചെന്ന വാര്‍ത്ത പുറത്തുവന്നപ്പോള്‍ തന്നെ നെഹ്റു കോളേജ് ചെയര്‍മാന്‍ പി കൃഷ്ണദാസിനെ പോലീസ് കസ്റ്റഡിയിലെടുത്തിരുന്നു. എന്നാല്‍ ഇയാള്‍ക്ക് മുന്‍കൂര്‍ ജാമ്യം ഉള്ളതിനാല്‍ ചോദ്യം ചെയ്യലിന് ശേഷം വിട്ടയച്ചു. കൃഷ്ണദാസിന്റെ അറസ്റ്റ് നാടകമാണെന്നും സമരത്തില്‍ നിന്ന് പിന്നോട്ട് പോകില്ലെന്നും കഴിഞ്ഞ ദിവസം ജിഷ്ണുവിന്റെ അമ്മ വ്യക്തമാക്കിയിരുന്നു.
ജിഷ്ണു മരിച്ച്‌ 80 ദിവസങ്ങല്‍ പിന്നിട്ടിട്ടും കേസിലെ പ്രതികളെ അറസ്റ്റ് ചെയ്യാത്തതില്‍ പ്രതിഷേധിച്ചാണ് ബന്ധുക്കള്‍ സമരത്തിനിറങ്ങിയത്.