വാഷിംഗ്ടണ്: കനത്ത മഴയെതുടര്ന്നു യുഎസ് തലസ്ഥാനമായ വാഷിംഗ്ടണ് ഡിസിയില് വെള്ളപ്പൊക്കം. തിങ്കളാഴ്ച രാവിലെ പെയ്ത കനത്ത മഴയില് അമേരിക്കന് പ്രസിഡന്റിന്റെ ഒൗദ്യോഗിക വസതിയായ വൈറ്റ് ഹൗസില് വെള്ളം കയറി. കെട്ടിടത്തിന്റെ ബേസ്മെന്റിലാണു വെള്ളം കയറിയത്. കോണ്സ്റ്റിറ്റ്യൂഷന് അവന്യുവിന്റെ ചില ഭാഗങ്ങള് അടച്ചിടേണ്ടിവന്നു.
പലയിടത്തും വെള്ളപ്പൊക്ക സമാനമായ സാഹചര്യമാണ്. വാഷിംഗ്ടണിലെ റെയില്, റോഡ് ഗതാഗതവും വൈദ്യുതി വിതരണവും ഏറെ നേരം തടസപ്പെട്ടു. നിരവധി വീടുകളിലും ഓഫീസുകളിലും വ്യാപാര സ്ഥാപനങ്ങളിലും വെള്ളം കയറി. പോടോമാക് നദി കരകവിഞ്ഞു. വെള്ളക്കെട്ടില് വാഹനത്തില് കുടുങ്ങിയവരെ രക്ഷപ്പെടുത്തി. വൈദ്യുതി വിതരണത്തെയും ട്രെയിന് സര്വീസുകളെയും മഴ പ്രതികൂലമായി ബാധിച്ചു.
ഒരുദിവസം പെയ്യേണ്ട മഴ ഒരുമണിക്കൂറില് പെയ്തതായി അമേരിക്കന് കാലാവസ്ഥാ വിഭാഗം അറിയിച്ചു. ചൊവ്വ, ബുധന് ദിവസങ്ങളിലും കനത്ത മഴയ്ക്കു സാധ്യതയുണ്ടെന്നു യുഎസ് കാലാവസ്ഥ നിരീക്ഷണ വിഭാഗത്തിന്റെ മുന്നറിയിപ്പുണ്ട്.
Comment:*
Nickname*
E-mail*
Website
Save my name, email, and website in this browser for the next time I comment.