by Vadakkan | 23 November 2022 5:40 PM
വാഷിങ്ടണ്‍ : യുഎസിലെ വാള്‍മാര്‍ട്ട് സ്റ്റോറിലുണ്ടായ വെടിവെപ്പില്‍ പത്ത് പേര്‍ കൊല്ലപ്പെട്ടു. വിര്‍ജീനിയ ചെസാപീകെയില്‍ സ്ഥിതിചെയ്യുന്ന വാള്‍മാര്‍ട്ട് ഡിപ്പാര്‍ട്മെന്റ് സ്റ്റോറിലാണ് സംഭവം.
ആക്രമണത്തിന് പിന്നാലെ അക്രമിയെ സുരക്ഷാ ഉദ്യോഗസ്ഥര്‍ വെടിവെച്ച്‌ കൊന്നു.
വാള്‍മാര്‍ട്ട് ഡിപ്പാര്‍ട്മെന്റ് സ്റ്റോറിലേക്ക് അക്രമി അതിക്രമിച്ച്‌ കയറുകയും ആളുകള്‍ക്ക് നേരെ വെടിയുതിര്‍ക്കുകയായിരുന്നു. ആക്രമണത്തില്‍ നിരവധി പേര്‍ക്ക് പരിക്കേറ്റിട്ടുണ്ടെന്നാണ് വിവരം. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.
കഴിഞ്ഞ ദിവസം കൊളറാഡോയിലെ ഒരു നിശാക്ലബ്ബിലും വെടിവെപ്പുണ്ടായിരുന്നു. സംഭവത്തില്‍ അഞ്ച് പേര്‍ കൊല്ലപ്പെടുകയും 18 പേര്‍ക്ക് പരിക്കേല്‍ക്കുകയും ചെയ്തിരുന്നു. സംഭവവുമായി ബന്ധപ്പെട്ട് അക്രമിയെന്ന് കരുതുന്നയാള്‍ അറസ്റ്റിലാണ്.
Source URL: https://padayali.com/%e0%b4%af%e0%b5%81%e0%b4%8e%e0%b4%b8%e0%b4%bf%e0%b4%b2%e0%b5%86-%e0%b4%b5%e0%b4%be%e0%b4%b3%e0%b5%8d%e0%b4%ae%e0%b4%be%e0%b4%b0%e0%b5%8d%e0%b4%9f%e0%b5%8d%e0%b4%9f%e0%b5%8d-%e0%b4%b8/
Copyright ©2024 Padayali unless otherwise noted.