ന്യൂഡല്ഹി: മുല്ലപ്പെരിയാര് അണക്കെട്ടിലെ ജലനിരപ്പ് സംബന്ധിച്ച് തീരുമാനം ഉടന് ഉണ്ടാകണമെന്ന് സുപ്രീം കോടതി നിര്ദ്ദേശം. മേല്നോട്ട സമിതി ഒന്നോ രണ്ടാ ദിവസത്തിനുള്ളില് തീരുമാനം എടുക്കണമെന്നും പ്രശ്നങ്ങള് കേരളവും തമിഴ്നാടും ചേര്ന്ന് ചര്ച്ച ചെയ്ത് തീരുമാനിച്ചാല് കേടതിക്ക് ഇടപെടേണ്ട സാഹചര്യമില്ലെന്നും കോടതി അഭിപ്രായപ്പെട്ടു. കേരളത്തെ കോടതി വിമര്ശിക്കുകയും ചെയ്തു, ചര്ച്ചകള്ക്ക് വേണ്ടി കേരളം തയ്യാറാകണമെന്ന് കോടതി പറഞ്ഞു.
കേരളവുമായും മേല്നോട്ടസമിതിയുമായും ആലോചിക്കാമെന്ന് തമിഴ്നാട് കോടതിയെ അറിയിച്ചു. ഇന്ന് രാവിലെ 7 മണിക്ക് അണക്കെട്ടിലെ ജലനിരപ്പ് 137.2 എന്ന് തമിഴ്നാട് കോടതിയെ അറിയിച്ചു. കേസ് മറ്റന്നാളത്തേക്ക് മാറ്റി. മേല്നോട്ട സമിതി റിപ്പോര്ട്ട് നല്കിയിട്ടുണ്ടെന്ന് കേന്ദ്രസര്ക്കാര് കോടതിയെ അറിയിച്ചു.
അതേസമയം മുല്ലപ്പെരിയാര് പരിസരത്ത് ആളുകള് ഭീതിയോടെ കഴിയുകയാണെന്നും 139 അടിയാക്കി ജലനിരപ്പ് നിര്ത്തണമെന്നും കേരളം ആവശ്യപ്പെട്ടു. അണക്കെട്ടില് ജലനിരപ്പ് 139 അടിയാക്കി നിര്ത്തേണ്ട അടിയന്തിര സാഹചര്യമുണ്ടോ എന്ന് കോടതി ചോദിച്ചു. മുല്ലപ്പെരിയാറിലെ സ്ഥിതി ജനങ്ങളുടെ സുരക്ഷയുമായി ബന്ധപ്പെട്ട വിഷയമാണ്. ഇതൊരു രാഷ്ട്രീയ വിഷയമാക്കരുതെന്നും കോടതി വ്യക്തമാക്കി.
Comment:*
Nickname*
E-mail*
Website
Save my name, email, and website in this browser for the next time I comment.