തിരുവനന്തപുരം: മുംബൈയിലും ഡല്ഹിയും മലയാളി നഴ്സുമാര്ക്ക് കോവിഡ്-19 സ്ഥിരീകരിച്ച പശ്ചാത്തലത്തില് ആവശ്യമായ നടപടികള് സ്വീകരിക്കണമെന്ന് ഇരു സംസ്ഥാനങ്ങളോടും ആവശ്യപ്പെട്ട് കേരളം. ഇക്കാര്യം ആവശ്യപ്പെട്ട് മുഖ്യമന്ത്രിമാര്ക്ക് കത്തയച്ചെന്ന് മുഖ്യമന്ത്രി പിണറായി വിജയന്റെ ഓഫീസ് അറിയിച്ചു.
നഴ്സുമാര്ക്ക് ആവശ്യമായ എല്ലാ ചികിത്സാ ക്രമീകരണങ്ങളും ഒരുക്കണമെന്ന് ഇരു മുഖ്യമന്ത്രിമാരോടും പിണറായി ആവശ്യപ്പെട്ടു. നേരത്തെ, ഇക്കാര്യത്തില് ഇടപെടലിനായി പ്രധാനമന്ത്രിക്കും പിണറായി കത്ത് നല്കിയിരുന്നു. മുംബൈയിലെ 46 മലയാളി നഴ്സുമാര്ക്കാണ് കോവിഡ് സ്ഥിരീകരിച്ചത്. 150ല് അധികം നഴ്സുമാര് നിരീക്ഷണത്തിലുമാണ്. ഡല്ഹിയിലെ കാന്സര് ഇന്സ്റ്റിറ്റ്യൂട്ടില് ഒന്പത് മലയാളി നഴ്സുമാര്ക്കാണ് രോഗം സ്ഥിരീകരിച്ചത്. ചികിത്സ ഉറപ്പാക്കണമെന്നാവശ്യപ്പെട്ട് ഡല്ഹി മുഖ്യമന്ത്രി അരവിന്ദ് കെജ്രിവാളിന് കത്തയച്ചു.
ഇവരുമായി അടുത്തിടപഴകിയവര് നിരീക്ഷണത്തിലാണ്. വേണ്ടത്ര സുരക്ഷാ മുന്കരുതലുകള് സ്വീകരിക്കാത്തതും നിരീക്ഷണത്തില് കഴിയുമ്ബോഴും ഡ്യൂട്ടിചെയ്യേണ്ടിവരുന്നതുമാണ് രോഗവ്യാപനത്തിന് ഇടയാക്കിയതെന്ന് ആരോപണമുയര്ന്നിരുന്നു. നിരീക്ഷണത്തില് കഴിയുന്നവര്ക്ക് അത്യാവശ്യ സൗകര്യങ്ങള് പോലും ലഭിക്കുന്നില്ലെന്ന് പരാതി ഉയര്ന്നിരുന്നു.
Comment:*
Nickname*
E-mail*
Website
Save my name, email, and website in this browser for the next time I comment.