ഭോപാല്: മധ്യപ്രദേശില് ‘പശു കാബിനറ്റി’ന് പിന്നാലെ പശു സംരക്ഷണത്തിന് നികുതി ഏര്പ്പെടുത്താന് നീക്കം. പശുതൊഴുത്ത് പരിപാലത്തിന് തുക കണ്ടെത്തുന്നതിന് വേണ്ടിയാണ് സെസ് തുക ഉപയോഗിക്കുകയെന്ന് മുഖ്യമന്ത്രി ശിവരാജ് സിങ് ചൗഹാന് പറഞ്ഞു.
ഞായറാഴ്ച ഓണ്ൈലനായി ചേര്ന്ന പശു കാബിനറ്റിെന്റ ആദ്യ യോഗത്തില് സംസാരിക്കുകയായിരുന്നു അദ്ദേഹം. ഗോശാലകള് സാമൂഹിക സംഘടനകളുടെയും സ്വയം സഹായ സംഘങ്ങളുടെയും പിന്തുണയോടെ സര്ക്കാര് പരിപാലിക്കും. പരിപാലനത്തിന് കൂടുതല് തുക ആവശ്യമായി വരികയാണെങ്കില് സെസ് ഏര്പ്പെടുത്തുമെന്നും മുഖ്യമന്ത്രി പറഞ്ഞു.
‘ഗോമാതയുടെ സംരക്ഷണത്തിനും പരിപാലനത്തിനുമായി തുക കണ്ടെത്തുന്നതിനായി സെസ് ഏര്പ്പെടുത്തുന്ന കാര്യം ചിന്തിക്കുന്നു. അത് ശരിയല്ലേ?’ -ചൗഹാന് ചോദിച്ചു.
‘ഞങ്ങള് ആദ്യത്തെ ’റൊട്ടി’ പശുക്കള്ക്കും അവസാനത്തെ ‘റൊട്ടി’ നായ്ക്കള്ക്കും നല്കും. ഇന്ത്യന് സംസ്കാരത്തില് മൃഗങ്ങളോടുള്ള കരുതല് അതാണ് -എന്നാല് അത് ഇപ്പോള് ഇല്ലാതായി. അതിനാല് പശുക്കളെ സംരക്ഷിക്കുന്നതിനായി ചെറിയ തുക നികുതിയായി ജനങ്ങളില്നിന്ന് ഈടാക്കാന് ആലോചിക്കുന്നു’ -ചൗഹാന് കൂട്ടിച്ചേര്ത്തു.
പശു സംരക്ഷണത്തിനും ഗ്രാമീണ സാമ്ബത്തികാവസ്ഥ ശക്തിപ്പെടുത്തുന്നതിനുമാണ് പശു കാബിനറ്റ് രൂപീകരിച്ചതെന്ന് മുഖ്യമന്ത്രി പറഞ്ഞു. മധ്യപ്രദേശില് കഴിഞ്ഞയാഴ്ചയാണ് പശു സംരക്ഷണത്തിനായി ‘പശു കാബിനറ്റ്’ രൂപീകരിച്ചത്. മൃഗക്ഷേമം, ഗ്രാമവികസനം തുടങ്ങിയ വകുപ്പ് മന്ത്രിമാരും യോഗത്തില് പങ്കെടുത്തു.
Comment:*
Nickname*
E-mail*
Website
Save my name, email, and website in this browser for the next time I comment.