പെഷവാര്: പാക്കിസ്ഥാനിലെ ബലൂചിസ്ഥാന് പ്രവിശ്യയില് തെരഞ്ഞെടുപ്പു യോഗത്തിലുണ്ടായ സ്ഫോടനത്തില് കൊല്ലപ്പെട്ടവരുടെ എണ്ണം 133 ആയി. ബിഎപി സ്ഥാനാര്ഥി സിറാജ് റൈസാനിയും കൊല്ലപ്പെട്ടവരില് ഉള്പ്പെടുന്നു. മുന് ബലൂച് മുഖ്യമന്ത്രി നവാബ് അസ്ലം റൈസാനിയുടെ സഹോദരനാണ് സിറാജ് റൈസാനി. കോര്ണര് യോഗത്തില് ചാവേര് ഭടനാണു സ്ഫോടനം നടത്തിയതെന്നാണു പ്രാഥമിക റിപ്പോര്ട്ട്.
150 പേര്ക്കു പരിക്കേറ്റെന്നും ഇതില് നിരവധി പേരുടെ നില ഗുരുതരമാണെന്നും പ്രവിശ്യാ ആരോഗ്യമന്ത്രി ഫയിസ് കാക്കര് പറഞ്ഞു. പരിക്കേറ്റവരെ ക്വറ്റ നഗരത്തിലെ ആശുപത്രികളില് പ്രവേശിപ്പിച്ചിരിക്കുകയാണ്. തെരഞ്ഞെടുപ്പ് റാലികളിലും യോഗങ്ങളിലും പലേടത്തും അക്രമങ്ങള് അരങ്ങേറുന്നതായി റിപ്പോര്ട്ടുണ്ട്. ജൂലൈ 25നാണു തെരഞ്ഞെടുപ്പ്.
വെള്ളിയാഴ്ച ഖൈബര് പക്തൂണ്ഹ്വാ പ്രവിശ്യയിലെ ബന്നുവില് ഉണ്ടായ മറ്റൊരു സ്ഫോടനത്തില് അഞ്ചുപേര്ക്കു ജീവഹാനി നേരിട്ടു. തിങ്കളാഴ്ച പെഷവാറിലെ യോഗത്തില് ചാവേര് ഭടന് നടത്തിയ ആക്രമണത്തില് അവാമി നാഷണല് പാര്ട്ടി നേതാവും സ്ഥാനാര്ഥിയുമായ ഹാറൂണ് ബിലൂറും 19 പേരും കൊല്ലപ്പെട്ടു.
Comment:*
Nickname*
E-mail*
Website
Save my name, email, and website in this browser for the next time I comment.