തൃശൂര് : ദേശമംഗലം പഞ്ചായത്തിലെ പള്ളം കൊറ്റമ്ബത്തൂരിലെ ഇല്ലിക്കുണ്ട് വനത്തില് പടര്ന്ന തീയണക്കുന്നതിനിടെ ട്രൈബല് വാച്ച്മാനടക്കം മൂന്നുപേര് വെന്തുമരിച്ചു. വാഴച്ചാല് ആദിവാസി കോളനിയിലെ ദിവാകരന് (43), താല്ക്കാലിക ജീവനക്കാരന് കാഞ്ഞിരക്കോട് കൊടുമ്ബ് ചാത്തന്ചിറ കോളനിയിലെ വേലായുധന് (45), താല്ക്കാലിക വാച്ചര് കൊടുമ്ബ് സ്വദേശി ശങ്കരന് (50) എന്നിവരാണ് മരിച്ചത്.
ദുരന്തംകണ്ട് തളര്ന്നുവീണ പെരുമ്ബിലാവ് സ്വദേശിയും ബീറ്റ് ഫോറസ്റ്റ് ഓഫിസറുമായ നൗഷാദിനെ ചെറുതുരുത്തിയിലെ സ്വകാര്യ ആശുപത്രിയില് പ്രവേശിപ്പിച്ചു.
ഞായറാഴ്ച വൈകീട്ട് നാലോടെയാണ് സംഭവം. വടക്കാഞ്ചേരി ഫോറസ്റ്റ് റേഞ്ചിന് കീഴില് പൂങ്ങോട് സ്റ്റേഷന് പരിധിയിലെ കൊറ്റമ്ബത്തൂര് വനമേഖലയില് കോട്ടയം വെള്ളൂര് ഹിന്ദുസ്ഥാന് ന്യൂസ് പ്രിന്റ് ലിമിറ്റഡിെന്റ (എച്ച്.എന്.എല്) അക്കേഷ്യ വനത്തില് തീ പടര്ന്നുപിടിച്ചിട്ട് ദിവസങ്ങളായി. ഇതണക്കാന് ശ്രമം നടന്നുവരുകയായിരുന്നു.
ഞായറാഴ്ച രാവിലെ വടക്കാഞ്ചേരി ഡെപ്യൂട്ടി റേഞ്ചര് രതീഷിെന്റ നേതൃത്വത്തിലുള്ള 22 അംഗ സംഘം വനത്തില് പ്രവേശിക്കുകയും തീയണക്കലില് ഏര്പ്പെടുകയുമായിരുന്നു. വൈകീട്ട് നാലോടെ കാറ്റിെന്റ ഗതിമാറി സംഘം നിന്നിരുന്ന സ്ഥലത്തേക്ക് തീ ആളിപ്പടര്ന്നു. ഓടിമാറുന്നതിനിടെ മൂന്നുപേര് വള്ളിപ്പടര്പ്പിനുള്ളില് കുടുങ്ങി.
അടിക്കാട് പൂര്ണമായും കത്തിയമര്ന്നശേഷമാണ് രക്ഷാപ്രവര്ത്തകര്ക്ക് വനപാലകര് വീണുകിടന്നതിനു സമീപം എത്താനായത്. ഷൊര്ണൂര്, വടക്കാഞ്ചേരി എന്നിവിടങ്ങളില്നിന്നുള്ള അഗ്നിരക്ഷാസേന ഉദ്യോഗസ്ഥര് രാത്രി സ്ഥലത്തെത്തിയിട്ടുണ്ടെങ്കിലും ഇവര്ക്ക് വനത്തില് പ്രവേശിക്കാനായില്ല. ഇരുട്ടും മറ്റ് ദുര്ഘട സാഹചര്യങ്ങളും രക്ഷാപ്രവര്ത്തനം ദുഷ്കരമാക്കി.
കാര്ത്യായനിയാണ് വേലായുധെന്റ ഭാര്യ. മക്കള്: സുധീഷ്, സുജിത്ത്, സുബിത. മരുമക്കള്: വിജയന്, ഷ്മിജ. ദിവാകരെന്റ ഭാര്യ: ഇന്ദിര. മകന്: ധ്യാന്.ശങ്കരെന്റ ഭാര്യ: ബിന്ദു. മക്കള്: ശരത്, ശനത്ത്.
Comment:*
Nickname*
E-mail*
Website
Save my name, email, and website in this browser for the next time I comment.