ഭോപ്പാല്: അന്യജാതിയില്പ്പെട്ട യുവാവിനെ വിവാഹം ചെയ്ത യുവതിക്ക് നാട്ടുകാരുടെ പ്രാകൃത ശിക്ഷ. ഗ്രാമീണര് യുവതിയെ കൊണ്ട് ഭര്ത്താവിനെ തോളിലേറ്റി നടത്തിക്കുകയായിരുന്നു. മധ്യപ്രദേശിലെ ഝാബുവ ജില്ലയിലെ ദേവിഗഡിലാണു സംഭവം.
ഒരു തരിശ് പാടത്ത് നടക്കുന്ന ആക്രമണത്തിന്റെ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിച്ചു. വിറയ്ക്കുന്ന കാലുകളോടെ യുവതി ഭര്ത്താവിനെയും എടുത്ത് നടക്കുന്നതാണു കാണാന് കഴിയുക. ഇടയ്ക്ക് യുവതി വീഴാനും തുടങ്ങുന്നുണ്ട്.
യുവതി ഭര്ത്താവിനെ ചുമക്കുന്പോള് ആര്പ്പുവിളിച്ച് നിരവധി പേര് അരികെ നില്ക്കുന്നുണ്ട്. ഇവരില് ഭൂരിഭാഗവും യുവാക്കളാണ്. ചിലര് യുവതിക്കുനേരെ ആക്രോശിക്കുന്നതും ചിലര് നൃത്തം ചെയ്യുന്നതും വീഡിയോയില് വ്യക്തമാണ്.
മൊബൈല് ഫോണില് ഷൂട്ട് ചെയ്ത 33 സെക്കന്ഡ് വീഡിയോയാണ് വ്യാപകമായി പ്രചരിക്കുന്നത്. സംഭവത്തില് പങ്കെടുത്ത എല്ലാ ആളുകളുടെ പേരിലും കേസ് രജിസ്റ്റര് ചെയ്തിട്ടുണ്ടെന്ന് ഝാബുവ എസ്.പി വിനീത് ജെയിന് പറഞ്ഞു.
Comment:*
Nickname*
E-mail*
Website
Save my name, email, and website in this browser for the next time I comment.