ചെന്നൈ: പ്രമുഖ വസ്ത്രവ്യാപാര സ്ഥാപനമായ ചെന്നൈ സില്‍ക്സില്‍ തീപിടുത്തം. തീപിടുത്തത്തെ തുടര്‍ന്ന് കെട്ടിടത്തിന്റെ മൂന്നു നിലകള്‍ ഭാഗികമായി തകര്‍ന്നു മൂന്നു മുതല്‍ ഏഴു വരെയുള്ള നിലകളാണ് തകര്‍ന്നത്. ആളപായമൊന്നും റിപ്പോര്‍ട്ട് ചെയ്തിട്ടില്ല.
വ്യാഴാഴ്ച പുലര്‍ച്ചെ 3.20 ഒാടെയാണ് കെട്ടിടം തകര്‍ന്നത്. തീ പടര്‍ന്ന് ചുമരുകള്‍ക്കും തൂണുകള്‍ക്കും വിള്ളല്‍ വീണ് ബലക്ഷയം സംഭവിച്ചതിനാല്‍ കെട്ടിടം തകര്‍ന്നു വീണേക്കാമെന്ന മുന്നറിയിപ്പിനെത്തുടര്‍ന്ന് പ്രദേശവാസികളെ സ്ഥലത്തു നിന്ന് നേരത്തെ ഒഴിപ്പിച്ചിരുന്നു. അതിനാല്‍ വന്‍ ദുരന്തം ഒഴിവായി.
ബുധനാഴ്ച പുലര്‍ച്ചെയാണ് ചെന്നൈ ടി നഗറില്‍ ചെന്നൈ സില്‍ക്സിന്‍റ കെട്ടിടത്തില്‍ തീപിടുത്തമുണ്ടായത്. കെട്ടിടത്തിന്‍റ താഴത്തെ നിലയില്‍ നിന്നും തീ മുകളിലെ നിലയിലേക്ക് പടരുകയായിരുന്നു. കേന്ദ്രീകൃത എ.സി സംവിധാനമായതിനാല്‍ ജനലുകള്‍ കുറവായതിനാലും കെട്ടിടത്തിലേക്ക് മുന്‍ഭാഗത്ത് ഒഴികെ പ്രവേശനമില്ലാത്തതിനാലും തീയണക്കാന്‍ മണിക്കൂറുകള്‍ വേണ്ടിവന്നു. തീയണച്ചതും ഏഴാം നിലയിലെ കാന്‍റീന്‍ ജീവനക്കാരെ രക്ഷപ്പെടുത്തിയതും സ്കൈ ലിഫ്റ്റ് ഉപയോഗിച്ചാണ്.
അഗ്നിബാധയില്‍ കോടികളുടെ നഷ്ടമാണ് വ്യാപാര സ്ഥാപനത്തിനുണ്ടായത്. കെട്ടിട നിര്‍മാണ ചട്ടം ലംഘിച്ചാണ് വ്യാപാരസമുച്ചയം നിര്‍മിച്ചതെന്നും ആരോപണമുയര്‍ന്നിട്ടുണ്ട്.
Comment:*
Nickname*
E-mail*
Website
Save my name, email, and website in this browser for the next time I comment.
