കൊച്ചി: തുര്ക്കിയിലെ ഹാഗിയ സോഫിയ കത്തീഡ്രല് മോസ്ക് ആക്കി മാറ്റിയ വിഷയത്തെ ന്യായീകരിച്ച് കോണ്ഗ്രസ് യുവനേതാവ് ചാണ്ടി ഉമ്മന് നടത്തിയ പ്രസംഗം ക്രൈസ്തവ സമൂഹത്തിന് വേദനയുണ്ടാക്കുന്നതാണെന്ന് കെസിബിസി. വാര്ത്താക്കുറിപ്പിലാണ് കെസിബിസി വിഷയത്തില് പ്രതിഷേധം അറിയിച്ചത്.
തുര്ക്കി ഭരണാധികാരിയുടെ ചരിത്ര അഹേളനം വെള്ളപൂശാന് ശ്രമിക്കുകയാണ് ചാണ്ടി ഉമ്മന്. ഇതിന്്റെ ലക്ഷ്യം വ്യക്തമാക്കണമെന്നും കെസിബിസിയുടെ വാര്ത്താ കുറിപ്പില് പറയുന്നു.
ഹാഗിയസോഫിയ കത്തീഡ്രല് ഒരു വലിയ ചരിത്രപാരമ്ബര്യത്തെ പ്രതിനിധാനം ചെയ്യുന്നതും കോണ്സ്റ്റാന്റിനോപ്പിള് പാര്ത്രിയാക്കിസിന്റെ സ്ഥാനിക ദേവാലയവുമായിരുന്നു.
വലിയതോതില് മതപീഡനം ഏറ്റുവാങ്ങിയ ഒരു വലിയ വിഭാഗം ക്രൈസ്തവ ജനതയെ ചരിത്രത്തില് അടയാളപ്പെടുത്തുന്നതാണ് ഈ കത്തീഡ്രല്.
തുര്ക്കി ഭരണാധികാരി, ചരിത്രസ്മാരകത്തെ വീണ്ടും മോസ്ക്കാക്കി മാറ്റിയത് ക്രൈസ്തവസമൂഹത്തിന് അപരിഹാര്യമായ മുറിവാണ് ഉണ്ടാക്കിയതെന്ന് അറിയാത്തവരാണോ ഇവിടുത്തെ രാഷ്ട്രീയ നേതൃത്വം ?- കെസിബിസി കുറിപ്പില് ചോദിക്കുന്നു.
അതേസമയം, വിവാദ പ്രസംഗത്തില് ചാണ്ടി ഉമ്മന് ഖേദം പ്രകടിപ്പിച്ച് രംഗത്തെത്തി. ഹാഗിയ സോഫിയ പരാമര്ശിച്ചത് തെറ്റിദ്ധാരണ പരത്തിയെന്നും ഒരു മതസമൂഹത്തെ അധിക്ഷേപിക്കാന് ഉദ്ദേശിച്ചിട്ടില്ലെന്നും ചാണ്ടി ഉമ്മന് പറഞ്ഞു.
Comment:*
Nickname*
E-mail*
Website
Save my name, email, and website in this browser for the next time I comment.