കഠ്വ കൂട്ടബലാല്‍സംഗക്കേസില്‍ പ്രതികള്‍ക്കെതിരെ കൂടുതല്‍ ശാസ്ത്രീയ തെളിവുകള്‍ ലഭിച്ചു. ക്ഷേത്രത്തിനുള്ളില്‍നിന്ന് ലഭിച്ച മുടി പെണ്‍കുട്ടിയുടേതെന്ന് സ്ഥിരീകരിച്ചു.
പ്രതികളുടെ മുടിയും ക്ഷേത്രത്തിനുള്ളില്‍നിന്ന് ലഭിച്ചു. 14 വസ്തുക്കളുടെ ശാസ്ത്രീയ പരിശോധനയോടെയാണ് പ്രതികളുടെ ശക്തമായ പങ്ക് വ്യക്തമായത്. ഇതോടെ എട്ടുവയസുകാരി ക്ഷേത്രത്തിനുള്ളില്‍ പീഡിപ്പിക്കപ്പെട്ടെന്ന് ഉറപ്പായി. രാജ്യവ്യാപകമായി പ്രതിഷേധം ശക്തമാകുന്നതിനിടെ കഠ്വ കേസിന്റെ വിചാരണ കോടതി ഈമാസം 28ന് നടക്കും.
വിചാരണ കശ്മീരിനു പുറത്തു നടത്തണമെന്ന ബാലികയുടെ പിതാവിന്‍റെ ഹര്‍ജി സുപ്രീംകോടതി പരിഗണിക്കുന്നതാണ് കാരണം. കേസിന്റെ വിചാരണ ചണ്ഡീഗഢിലേക്ക് മാറ്റണമെന്നാവശ്യപ്പെട്ടാണ് ഇരയുടെ കുടുംബം സുപ്രീംകോടതിയെ സമീപിച്ചത്.
Comment:*
Nickname*
E-mail*
Website
Save my name, email, and website in this browser for the next time I comment.
