ന്യൂഡല്ഹി: കൊവിഡ് വ്യാപനത്തില് കേരളത്തെ ആശങ്കയറിച്ച് കേന്ദ്രസര്ക്കാര് . കഴിഞ്ഞ മാസത്തെ കൊവിഡ് ബാധിതരില് 55% വും കേരളത്തില് നിന്നാണെന്ന് കേന്ദ്രം വ്യക്തമാക്കി.
മരണനിരക്കും രോഗവ്യാപനവും പിടിച്ചുനിര്ത്തണമെന്ന് സംസ്ഥാനത്തിന് കേന്ദ്രം നിര്ദ്ദേശം നല്കി. കേരളത്തില് കൊവിഡ് മരണം കൂടിയെന്നാണ് കേന്ദ്രസര്ക്കാരിന്റെ കണക്കുകള് വ്യക്തമാക്കുന്നത്. സംസ്ഥാനത്ത് കഴിഞ്ഞയാഴ്ച 2118 മരണവും തൊട്ടുമുമ്ബത്തെ ആഴ്ച 1890 മരണവും റിപ്പോര്ട്ട് ചെയ്തു. തൃശ്ശൂര്, മലപ്പുറം, കോഴിക്കോട്, കൊല്ലം ജില്ലകളിലാണ് മരണനിരക്ക് കൂടുതല്.
കേന്ദ്ര ആരോഗ്യ മന്ത്രാലയ സെക്രട്ടറി രാജേഷ് ഭൂഷണ് സംസ്ഥാന ആരോഗ്യ വകുപ്പിനയച്ച കത്തിലാണ് ഇക്കാര്യങ്ങള് ചൂണ്ടിക്കാട്ടിയിരിക്കുന്നത്.
കേരളത്തിലേതുള്പ്പെടെ രാജ്യത്തെ 18 ജില്ലകളിലെ ക്ലസ്റ്ററുകളില് നിരീക്ഷണം ശക്തമാക്കണമെന്നും ആരോഗ്യമന്ത്രാലയം നിര്ദ്ദേശിച്ചിട്ടുണ്ട്. കൊല്ലം, ആലപ്പുഴ, എറണാകുളം, ഇടുക്കി, തൃശ്ശൂര്, പാലക്കാട്, കണ്ണൂര്, കാസര്കോട് ജില്ലകളിലെ വ്യാപനം തടയാന് കൂടുതല് ശ്രദ്ധവേണമെന്നും കേന്ദ്രം വ്യക്തമാക്കിയിട്ടുണ്ട്.
Comment:*
Nickname*
E-mail*
Website
Save my name, email, and website in this browser for the next time I comment.