കെവിന്‍ വധം ദുരഭിമാനക്കൊലയെന്ന് കോടതി: 10 പ്രതികള്‍ കുറ്റക്കാര്‍

കെവിന്‍ വധം ദുരഭിമാനക്കൊലയെന്ന് കോടതി: 10 പ്രതികള്‍ കുറ്റക്കാര്‍
August 22 12:02 2019 Print This Article

കോട്ടയം: കെവിന്‍ വധക്കേസില്‍ നീനു മാത്യുവിന്റെ സഹോദരന്‍ അടക്കം 10 പ്രതികള്‍ കുറ്റക്കാരാണെന്ന് കോട്ടയം പ്രിന്‍സിപ്പല്‍ സെഷന്‍സ് കോടതി കണ്ടെത്തി. എന്നാല്‍ നീനുവിന്റെ അച്ഛനും കേസിലെ അഞ്ചാം പ്രതിയുമായ ചാക്കോ ജോണിനെ കുറ്റക്കാരനാണെന്ന് കണ്ടെത്തിയിട്ടില്ല.ചുമത്തിയിരുന്ന കുറ്റങ്ങള്‍ സംശയാതീതമായി തെളിയിക്കാന്‍ കഴിയാത്തതിനാല്‍ ഇയാളെ കോടതി വെറുതെ വിടുകയായിരുന്നു.

കേസ് അപൂര്‍വങ്ങളില്‍ അപൂര്‍വമാണെന്ന് വിലയിരുത്തിയ കോടതി ഇതിനെ ദുരഭിമാനക്കൊലയാണെന്നും വിധിച്ചു. കേസിലെ ശിക്ഷാവിധി മറ്റന്നാളായിരിക്കും ഉണ്ടാവുക. അപൂര്‍വങ്ങളില്‍ അപൂര്‍വമെന്ന് ഉള്‍പ്പെടുത്തിയതോടെ പ്രതികള്‍ക്കെതിരെ വധശിക്ഷ അടക്കമുള്ള ശിക്ഷയുണ്ടാകുമെന്നാണ് നിയമ വിദഗ്‌ദ്ധര്‍ പറയുന്നത്.

2018 മെയ് 27 നാണ് കോട്ടയം സ്വദേശിയായ കെവിനെ കൊല്ലം തെന്‍മലയ്ക്ക് സമീപം മരിച്ച നിലയില്‍ കണ്ടെത്തിയത്. കൊല്ലം സ്വദേശിയായ നീനുവുമായുള്ള പ്രണയ ബന്ധത്തെ എതിര്‍ത്ത് പെണ്‍കുട്ടിയുടെ സഹോദരനും സുഹൃത്തുക്കളും ചേര്‍ന്ന് തട്ടിക്കൊണ്ടു പോയി കൊലപ്പെടുത്തിയെന്നാണ് കേസ്. നീനുവിന്റെ അച്ഛനും സഹോദരനും ഉള്‍പ്പെടെ 14 പേരെ പ്രതികളാക്കിയാണ് കുറ്റപത്രം സമര്‍പ്പിച്ചത്. എന്നാല്‍ ഇതില്‍ 10 പ്രതികളെ മാത്രമേ കുറ്റക്കാരായി കണ്ടെത്താന്‍ കഴിഞ്ഞുള്ളൂ. ബാക്കി നാല് പേരെ കോടതി വെറുതെ വിട്ടു.

നീനുവിന്റെ അച്ഛന്‍ ചാക്കോയ്‌ക്കെതിരെയുള്ള കുറ്റങ്ങള്‍ തെളിയിക്കാന്‍ പ്രോസിക്യൂഷന് കഴിഞ്ഞില്ല, കുറ്റകൃത്യത്തില്‍ നേരിട്ട് പങ്കെടുത്തതിന് തെളിവുകള്‍ ലഭിക്കാത്ത സാഹചര്യത്തില്‍ സംശയത്തിന്റെ ആനകൂല്യം നല്‍കി വിട്ടയച്ചു. ദളിത് ക്രിസ്ത്യന്‍ വിഭാഗത്തില്‍പ്പെട്ട കെവിന്‍ നീനുവിനെ വിവാഹം ചെയ്തതിലുള്ള നീനുവിന്റെ ബന്ധുക്കളുടെ ദുരഭിമാനമാണ് കൊലപാതകത്തിന് കാരണമെന്നാണ് കുറ്റപത്രം. ഇത് അംഗീകരിച്ച കോടതി കേസ് ദുരഭിമാനക്കൊലയാണെന്ന് വിധിച്ചു.

കൊലക്കുറ്റം ഉള്‍പ്പെടെ പത്ത് വകുപ്പുകളാണ് പ്രതികള്‍ക്കെതിരെ ചുമത്തിയിട്ടുള്ളത്. കുറ്റക്കാരാണെന്ന് കണ്ടെത്തിയ പ്രതികള്‍ക്ക് 10 വകുപ്പുകളും ബാധകമാകും. ഇതനുസരിച്ച്‌ പരമാവധി ശിക്ഷ വരെ ഇവര്‍ക്ക് ലഭിക്കുമെന്നാണ് വിവരം.

  Categories:
view more articles

About Article Author

write a comment

0 Comments

No Comments Yet!

You can be the one to start a conversation.

Add a Comment

Your data will be safe! Your e-mail address will not be published. Also other data will not be shared with third person.
All fields are required.