മുംബൈ: എയര് ഇന്ത്യ വിമാനത്തില് യാത്രക്കാരന് മരിച്ചു. ലാഗോസില് നിന്ന് മുംബൈയിലേക്കുള്ള വിമാനത്തില് വെച്ചാണ് 42 വയസുകാരനായ യാത്രക്കാരന് മരിച്ചത്.
യാത്രക്കാരന് വിമാനത്തിനുള്ളില് വിറക്കുന്നുണ്ടായിരുന്നെന്ന് ദൃക്സാക്ഷികള് പറഞ്ഞതായി റിപ്പോര്ട്ടിലുണ്ട്. തുടര്ന്ന് തനിക്ക് മലേറിയയുണ്ടെന്ന് യാത്രക്കാരന് വിമാന ജീവനക്കാരെ അറിയിച്ചു. ശ്വാസമെടുക്കാന് പ്രയാസപ്പെട്ട ഇയാള്ക്ക് ഓക്സിജന് ലഭ്യമാക്കുകയും ചെയ്തു. എന്നാല്, ഏതാനും സമയത്തിനുശേഷം യാത്രക്കാരന് അസുഖം വര്ധിക്കുകയും മരിക്കുകയുമായിരുന്നു. മുംബൈ വിമാനത്താവളത്തില് ഞായറാഴ്ച പുലര്ച്ച 3.40-നാണ് വിമാനം ലാന്ഡ് ചെയ്തത്. പ്രോട്ടോക്കോള് പ്രകാരം മൃതദേഹം വിമാനത്തില് നിന്ന് ആശുപത്രിയിലേക്ക് മാറ്റിയതായും നടപടിക്രമങ്ങള്ക്ക് ശേഷം ബന്ധുക്കള്ക്ക് കൈമാറുമെന്നും അധികൃതര് അറിയിച്ചു.
കൊറോണ മഹാമാരിയുടെ പശ്ചാത്തലത്തില് തെര്മല് സ്ക്രീനിംഗ് ഉള്പ്പടെയുള്ള പരിശോധനകള്ക്കു ശേഷമാണ് യാത്രക്കാരെ വിമാനത്തില് പ്രവേശിപ്പിക്കുന്നത്. അസാധാരണ സാഹചര്യത്തിലുള്ള മരണം കോവിഡ് പശ്ചാത്തലത്തില് വിമാനത്താവളങ്ങളില് നടത്തുന്ന പരിശോധനയെ കുറിച്ച് ആശങ്ക ഉയര്ത്തുന്നതാണെന്ന് ഇന്ത്യ ടുഡേ റിപ്പോര്ട്ട് ചെയ്യുന്നു.
Comment:*
Nickname*
E-mail*
Website
Save my name, email, and website in this browser for the next time I comment.