by Vadakkan | 15 May 2021 2:41 PM
ന്യൂഡല്ഹി: ഇസ്രയേലില് ഹമാസ് റോക്കറ്റ് അക്രമണത്തില് കൊല്ലപ്പെട്ട മലയാളി നഴ്സ് സൗമ്യ സന്തോഷിന്റെ മൃതദേഹം ഡല്ഹിയിലെത്തിച്ചു. ഡല്ഹി രാജ്യാന്തര വിമാനത്താവളത്തില് കേന്ദ്രമന്ത്രി വി മുരളീധരന് മൃതദേഹം ഏറ്റുവാങ്ങി.
ഉച്ചയോടെ എയര് ഇന്ത്യ വിമാനത്തില് മൃതദേഹം നെടുമ്ബാശേരിയില് എത്തിക്കും.തുടര്ന്ന് സ്വദേശമായ ഇടുക്കി കീരിത്തോട്ടിലേക്ക് കൊണ്ടുപോകും.നാളെ ഉച്ചകഴിഞ്ഞ് കീരിത്തോട് നിത്യസഹായമാതാ പള്ളിയിലാണ് സംസ്കാരം.
ഇസ്രയേല്- പലസ്തീന് സംഘര്ഷത്തിനിടെ ചൊവ്വാഴ്ചയാണ് സൗമ്യ സന്തോഷ് കൊല്ലപ്പെട്ടത്. കഴിഞ്ഞ ഏഴ് വര്ഷമായി ഇസ്രയേലില് കെയര് ടേക്കറായി ജോലി ചെയ്യുകയായിരുന്നു സൗമ്യ. ഭര്ത്താവ് സന്തോഷുമായി വീഡിയോ കോളില് സംസാരിച്ചുകൊണ്ടിരിക്കവേയാണ് റോക്കറ്റ് വീടിന് മുകളില് പതിക്കുന്നതും സൗമ്യ കൊല്ലപ്പെടുന്നതും. സൗമ്യ പരിചരിച്ചിരുന്ന വൃദ്ധയും കൊല്ലപ്പെട്ടിരുന്നു.
Source URL: https://padayali.com/%e0%b4%87%e0%b4%b8%e0%b5%8d%e0%b4%b0%e0%b4%af%e0%b5%87%e0%b4%b2%e0%b4%bf%e0%b4%b2%e0%b5%8d%e2%80%8d-%e0%b4%b1%e0%b5%8b%e0%b4%95%e0%b5%8d%e0%b4%95%e0%b4%b1%e0%b5%8d%e0%b4%b1%e0%b5%8d-%e0%b4%86%e0%b4%95/
Copyright ©2024 Padayali unless otherwise noted.