ന്യൂഡല്ഹി: രാജ്യത്ത് കഴിഞ്ഞ 24 മണിക്കൂറില് കൊവിഡ് ബാധിച്ച് മരിച്ചത് 445 പേര്. 14,821 പേര്ക്കാണ് കഴിഞ്ഞ ദിവസം മാത്രം രോഗം സ്ഥിരീകരിച്ചത്.
ഇതോടെ ഇന്ത്യയില് 4,25,282 പേര്ക്ക് രോഗം ബാധിച്ചു. ആകെ രോഗബാധിതരുടെ എണ്ണത്തില് ഇന്ത്യ ലോകത്ത് നാലാമതാണ്. 13,254 പേരാണ് രാജ്യത്ത് ഇതുവരെ രോഗം ബാധിച്ച് മരിച്ചത്.
അതിനിടെ, ഗോവയില് ആദ്യ കൊവിഡ് മരണം റിപ്പോര്ട്ട് ചെയ്തു. വടക്കന് ഗോവയിലെ മോര്ലേം സ്വദേശിയായ 85കാരനാണ് മരിച്ചത്. രോഗം ബാധിച്ച് ഐ.സി.യുവിലായിരുന്നു ഇദ്ദേഹം. ഗോവയില് ഇതുവരെ 818 കേസുകളാണ് സ്ഥിരീകരിച്ചിട്ടുള്ളത്. രാജ്യത്തെ ആദ്യത്തെ കൊവിഡ് മുക്ത സംസ്ഥാനമായി ഗോവയെ ഏപ്രിലില് പ്രഖ്യാപിച്ചിരുന്നു.
മഹാരാഷ്ട്രയില് മാത്രം 3,870 പുതിയ രോഗികളുണ്ട്. ഇന്നലെ 101 പേര് മരിച്ചതോടെ മൊത്തം മരണം 6,085 ആയി.
അതേസമയം രോഗബാധിതരുടെ എണ്ണം ലോകത്ത് 90 ലക്ഷം കടന്നു. ഇതുവരെ 90,44,563 പേര്ക്കാണ് രോഗം സ്ഥിരീകരിച്ചത്. ഇന്നലെ മാത്രം 1,83,000 ലേറെ പേര്ക്കാണ് കൊവിഡ് സ്ഥിരീകരിച്ചത്.
Comment:*
Nickname*
E-mail*
Website
Save my name, email, and website in this browser for the next time I comment.