ന്യൂയോര്ക്ക്: അമേരിക്കന് പ്രസിഡന്റ് പദവിയില് ഒരുവട്ടം കൂടിയെത്താന് റിപ്പബ്ലിക്കന് സ്ഥാനാര്ഥി ഡോണള്ഡ് ട്രംപിന് കളമൊരുങ്ങുന്നു. വോട്ടെണ്ണല് പുരോഗമിക്കുമ്ബോള് ട്രംപിന് ജയസാധ്യത കൂടുകയാണ്. നിലവില് 213 ഇലക്ടറല് വോട്ടുകളുമായി പിന്നിലാണെങ്കിലും ഫലം വരാനുള്ള സംസ്ഥാനങ്ങളില് പലതും ട്രംപ് വിജയം നേടുമെന്നാണ് വിലയിരുത്തപ്പെടുന്നത്.
ഡെമോക്രാറ്റ് സ്ഥാനാര്ഥി ജോ ബൈഡന് 236 ഇലക്ടറല് വോട്ടുകള് ഇതിനകം നേടിക്കഴിഞ്ഞുവെങ്കിലും 270 എന്ന മാന്ത്രിക സംഖ്യയിലേക്ക് എത്തില്ലെന്നാണ് വിലയിരുത്തപ്പെടുന്നത്. എങ്കിലും ഡെമോക്രാറ്റ് ക്യാന്പ് ആത്മവിശ്വാസം കൈവിട്ടിട്ടില്ല.
വിജയത്തിലേക്കുള്ള പാതയിലാണെന്നും കാത്തിരിക്കാനും ബൈഡന് അനുയായികളോട് ആഹ്വാനം ചെയ്തു. പിന്നാലെ വലിയ മുന്നേറ്റം നടത്തിയെന്ന അവകാശവാദവുമായി ട്രംപിന്റെ ട്വീറ്റ് എത്തി.
നിര്ണായക സംസ്ഥാനങ്ങളായ ഫ്ളോറിഡയും ടെക്സസും പിടിച്ചതോടെയാണ് ട്രംപ് ക്യാമ്ബില് ആഹ്ലാദം തുടങ്ങിയത്. അലബാമ, കെന്റക്കി, മിസിസിപ്പി, സൗത്ത് കരോളിന, അര്ക്കന്സോ പടിഞ്ഞാറന് വെര്ജീനിയ തുടങ്ങിയ സംസ്ഥാനങ്ങളിലും ട്രംപ് വിജയം നേടി.
വെര്ജീനിയ, ന്യൂജഴ്സി, വെര്മണ്ട്, ന്യൂയോര്ക്ക്, കൊളറാഡോ, മിനസോട്ട തുടങ്ങിയ സംസ്ഥാനങ്ങളില് ബൈഡന് വിജയം കൊയ്തു. സെനറ്റിലേക്കുള്ള പോരാട്ടത്തിലും ഇരുപാര്ട്ടികളും തുല്യതപാലിക്കുകയാണ്.
വോട്ടെണ്ണല് പുരോഗമിക്കുന്ന ചില സംസ്ഥാനങ്ങളിലെ ഫലം വളരെ വൈകുമെന്നാണ് സൂചന. അര്ധരാത്രി തന്നെ ട്രംപ് മാധ്യമങ്ങളെ കാണുമെന്നും റിപ്പോര്ട്ടുകളുണ്ട്. വൈറ്റ് ഹൗസിലിരുന്നാണ് ട്രംപ് ഫലപ്രഖ്യാപം വീക്ഷിക്കുന്നത്.
Comment:*
Nickname*
E-mail*
Website
Save my name, email, and website in this browser for the next time I comment.