കോട്ടയം: സംസ്ഥാന ജൂനിയര് അത്ലറ്റിക് മീറ്റിനിടെ ഹാമര് തലയില് വീണ് പരിക്കേറ്റ വിദ്യാര്ഥി മരിച്ചു. പാലാ സെന്റ് തോമസ് ഹയര്സെക്കന്ഡറി സ്കൂളിലെ പ്ലസ് വണ് വിദ്യാര്ഥിയും മേലുകാവ് ചെവ്വൂര് കുറിഞ്ഞംകുളം ജോര്ജ് ജോണ്സന്റെ മകനുമായ അഫീല് ജോണ്സ(16)നാണു മരിച്ചത്.
കോട്ടയം മെഡിക്കല് കോളജ് ആശുപത്രിയിലെ തീവ്രപരിചരണ വിഭാഗത്തില് ചികിത്സയില് കഴിയവേയാണ് മരണം സംഭവിച്ചത്. കഴിഞ്ഞ കുറച്ച് ദിവസങ്ങളായി അഫീലിന്റെ ആരോഗ്യനിലയില് നേരിയ പുരോഗതി രേഖപ്പെടുത്തിയിരുന്നെങ്കിലും ന്യൂമോണിയ പിടിപെട്ടത് കാര്യങ്ങള് വീണ്ടും വഷളാക്കിയെന്നാണ് വിവരം. ഇക്കഴിഞ്ഞ ഒക്ടോബര് നാലിനാണ് ഹാമര് തലയില് വീണ് അഫീലിന് പരിക്കേറ്റത്. ആശുപത്രിയില് പ്രവേശിപ്പിച്ചയുടന് തന്നെ വിദ്യാര്ഥിയെ രണ്ടു തവണ ശസ്ത്രക്രിയയ്ക്കു വിധേയമാക്കിയിരുന്നു.
സംഭവത്തില് പാലാ പോലീസ് കേസ് രജിസ്റ്റര് ചെയ്ത് അന്വേഷണമാരംഭിച്ചിരുന്നു. സംസ്ഥാന കായിക വകുപ്പ് ഇതുമായി ബന്ധപ്പെട്ട് അന്വേഷണം നടത്തി വരികയായിരുന്നു.
Comment:*
Nickname*
E-mail*
Website
Save my name, email, and website in this browser for the next time I comment.