സ്വര്‍ണക്കടത്ത് കേസില്‍ കസ്റ്റംസ് ചോദ്യം ചെയ്യാനിരിക്കവേ യുവാവ് വാഹനാപകടത്തില്‍ മരിച്ചു

സ്വര്‍ണക്കടത്ത് കേസില്‍ കസ്റ്റംസ് ചോദ്യം ചെയ്യാനിരിക്കവേ യുവാവ് വാഹനാപകടത്തില്‍ മരിച്ചു
July 23 17:33 2021 Print This Article

കണ്ണൂര്‍: കരിപ്പൂര്‍ സ്വര്‍ണ്ണക്കടത്ത് കേസിലെ മുഖ്യപ്രതി അര്‍ജുന്‍ ആയങ്കിയുടെ കൂട്ടാളി അപകടത്തില്‍ മരിച്ചു. കണ്ണൂര്‍ അഴീക്കോട് മൂന്ന് നിരത്ത് സ്വദേശി റമീസ് ആണ് ഇന്ന് പുലര്‍ച്ചെ മരിച്ചത്. കസ്റ്റംസ് ചോദ്യം ചെയ്യാന്‍ നോട്ടീസ് നല്‍കിയതിന് തൊട്ട് പിറകെയാണ് റമീസ് സ‌ഞ്ചരിച്ച ബൈക്കില്‍ കാര്‍ ഇടിച്ച്‌ അപകടം ഉണ്ടാകുന്നത്.

കരിപ്പൂര്‍ സ്വര്‍ണ്ണക്കടത്തില്‍ ചോദ്യം ചെയ്യലിനായി ഇന്നലെ ഹാജരാകാനായിരുന്നു അഴീക്കോട് മൂന്ന് നിരത്ത് സ്വദേശി റമീസിന് കസ്റ്റംസ് നോട്ടീസ് നല്‍കിയത്. എന്നാല്‍ ചില അസൗകര്യങ്ങള്‍ കാരണം ഹാജരാകാന്‍ കഴിയില്ലെന്നും മറ്റൊരു ദിവസം ഹാജരാകാമെന്നും അറിയിച്ചിരുന്നു. ഇതിന് പിറകെ ഇന്നലെ ഉച്ചയോടെയാണ് കപ്പക്കടവിനടുത്ത് റമീസ് സ‌ഞ്ചരിച്ച്‌ ബൈക്കില്‍ കാര്‍ ഇടിച്ച്‌ അപകടമുണ്ടാകുന്നത്. ഗുരുതരമായി പരുക്കേറ്റ റമീസ് ഇന്ന് പുലര്‍ച്ചെയാണ് ആശുപത്രിയില്‍ മരിച്ചത്.

കള്ളക്കടത്ത് കേസില്‍ ചോദ്യം ചെയ്യലിന് ഹാജരാകാന്‍ നോട്ടീസ് നല്‍കിയതിന് പിറകെ നടന്ന അപകടത്തില്‍ ദുരൂഹത സംശയിക്കുകയാണ് കസ്റ്റംസ്. കരിപ്പൂര്‍ വിമാനത്താവളത്തില്‍ അര്‍ജുന്‍ ആയങ്കി സ്വര്‍ണ്ണം തട്ടിയെടുക്കാനെത്തിയപ്പോള്‍ കാറില്‍ അര്‍ജുനോപ്പം റമീസും ഉണ്ടായിരുന്നു. അര്‍ജുന്‍ നടത്തിയ കള്ളക്കടത്ത് ഇടപാടുകളെക്കുറിച്ച്‌ നിര്‍ണ്ണായക വിവരം നല്‍കേണ്ട വ്യക്തിയാണ് അപകടത്തില്‍ മരിച്ചത്. റമീസ് സ‌ഞ്ചരിച്ചിരുന്നത് അര്‍ജുന്‍ ആയങ്കിയുടെ പേരില്‍ റജിസ്റ്റര്‍ ചെയ്ത ബൈക്കിലായിരുന്നു. അപകടമുണ്ടാക്കിയ കാര്‍ വളപട്ടണ‍ം പൊലീസ് കസ്റ്റഡിയിലെടുത്തിട്ടുണ്ട്.

കസ്റ്റംസ് സംശയിക്കുന്ന ദുരൂഹത അപകടത്തില്‍ ഉണ്ടോ എന്നാണ് പോലീസ് പരിശോധിക്കുന്നത്. റമീസ് അമിത വേഗതയിലെത്തി കാറില്‍ ഇടിച്ചെന്നാണ് പോലീസിന് ലഭിക്കുന്ന പ്രാഥമിക മൊഴി. കാര്‍ തളാപ്പ് സ്വദേശി അശ്വനിന്‍റെ ഉടമസ്ഥതയിലുള്ളതാണ്.

  Categories:
view more articles

About Article Author

write a comment

0 Comments

No Comments Yet!

You can be the one to start a conversation.

Add a Comment

Your data will be safe! Your e-mail address will not be published. Also other data will not be shared with third person.
All fields are required.