അരിയെത്രാ ? പയർ അഞ്ഞാഴി….. പാസ്റ്റർ. കെ ജോയി

അരിയെത്രാ ? പയർ അഞ്ഞാഴി….. പാസ്റ്റർ. കെ ജോയി
December 04 20:26 2017 Print This Article

പടയാളിയിൽ വന്ന ഐപിസി ഡൽഹി സ്റ്റേറ്റിനെ കുറിച്ചുള്ള വാർത്തവായിച്ചു, അല്ലെങ്കിൽ കേട്ടറിഞ്ഞ  ഡൽഹിയുടെ അപ്പോസ്തലൻ വീഡിയോ ഇറക്കി എന്നാൽ  വീഡിയോയിൽ അരിയെത്ര എന്നതിന് പയർ അഞ്ഞാഴി എന്ന മറുപടി വളരെ ഹാസ്യമാകുന്നു.

വാർത്തയിൽ വന്ന വിഷയത്തെ  അദ്ദേഹം അറിഞ്ഞിട്ടില്ല എന്ന് നടിക്കുകയാണ്. കൺവൻഷൻ സംബന്ധിച്ചു  നടന്ന വിഷയങ്ങളും അതിന്റെ  വിജയം ആഘോഷിക്കാൻ സാമ്പത്തിക ധൂർത്തു നടത്തുകയും ചെയ്തിട്ട് അവിടുത്തെ ലോക്കൽ സഭയിലെ ദൈവദാസന്മാരെ ക്ഷണിക്കാതിരുന്നതുമായിരുന്നു വിഷയം പ്രധാന വിഷയം.

കൺവൻഷന്റെ സമാപന ദിവസം ദൈവത്തിനും കൺവൻഷനും വേണ്ടി അദ്ധ്വാനിച്ച സകലർക്കും പരസ്യമായി നന്ദിപറഞ്ഞതല്ലേ ? പിന്നെ YMCA യിൽ ലക്ഷങ്ങൾ മുടക്കി ഒരു ‘ താങ്ക്സ് ഗിവിംഗ്’ മാമാങ്കം സംഘടിപ്പിക്കേണ്ട ആവശ്യം എന്താണ് ?ഇതല്ലായിരുന്നോ മുഖ്യ വിഷയം ?

ഡൽഹി സ്റ്റേറ്റിന്റെ ഡമ്മി പ്രെസിഡന്റും ഇതര വിഷയങ്ങളും 

എന്നാൽ ഇദ്ദേഹത്തിന്റെ വീഡിയോ പച്ചക്കള്ളം ആണ് എന്നത് എടുത്തു പറയേണ്ടി വരും എന്തായാലും 26 വർഷം മുമ്പു ബാംഗ്ലൂരിൽ നിന്നും വിമാനത്തിൽ മടങ്ങിപോയ സംഭവം ആളിനു ഓർമ്മയുണ്ടു. ആളിനു ശരീര സൗഖ്യം ഇല്ലാഞ്ഞതുകൊണ്ടായിരുന്നു എന്നാണു പറയുന്നതു. എന്നാൽ അങ്ങനെയല്ല, ഡൽഹിയിൽ അത്യാവശ്യമായി എത്തേണ്ട കാര്യമുണ്ടെന്നു പറഞ്ഞാണു നിർബ്ബന്ധം പിടിച്ചതു. എന്തായാലും റ്റി റ്റി ച്ചായൻ മരിച്ചുപോയി.  അതുകൊണ്ടു മരിച്ചയാളെ എഴുന്നേൽപ്പിച്ചു വിമാന ടിക്കറ്റ് പണം തിരിച്ചു കൊടുത്തോ എന്ന തെളിവുതരാൻ കഴിയില്ല. എന്നാൽ അദ്ദേഹം അന്നു പ്ലെയിൻ ടിക്കറ്റു ആവശ്യപ്പെട്ടതും റ്റി റ്റിച്ചായന്റെ നിർദ്ദേശപ്രകാരം ടിക്കറ്റെടുത്തു പറഞ്ഞു വിട്ടതും എല്ലാം സത്യമാണു. ഈ കാലയളവിൽ സ്റ്റേറ്റ് ട്രഷറാറും ബൈബിൾ സ്‌കൂൾ റജിസ്റ്റ്രാറും ഒക്കെ ഒരേ വ്യക്തിയായിരുന്നു. അദേഹം ഇപ്പോഴും ജീവനോടെ ഉണ്ടല്ലോ അല്ലെ ജോയി പാസ്റ്റർ. അതുമാത്രം പാസ്റ്റർ മറന്നു പോയോ? അതുകൊണ്ട് അദ്ദേഹത്തെ മരിച്ചവരുടെ കൂട്ടത്തിൽ കയറ്റി. എന്നാൽ അല്ലെ ഇറക്കിയ വ്യാജ വീഡിയോയിക്ക് ഒരു പഞ്ച് കിട്ടു. അല്ലേ ? അതെന്തേ പറയാത്തത് ?ഇദ്ദേഹം വിമാന ടിക്കറ്റ് പണം കടമായി വാങ്ങിയെന്നു പറയുന്നതു  പച്ചക്കളം. റ്റിറ്റിച്ചായനോടു പറഞ്ഞപ്പോൾ റ്റിറ്റിച്ചായൻ തികഞ്ഞ ഈർഷ്യയോടെയാണു ടിക്കറ്റെടുത്തു പറഞ്ഞു വിട്ടോളൂ എന്നു അവിടെയുണ്ടായിരുന്ന ചുമതലക്കാരോട് ആവശ്യപ്പെട്ടത്. ഇന്നും ആ സംഭവം മറക്കാത്തവർ ഉണ്ട് എന്നത് ജോയി പാസ്റ്റർ മറക്കരുത്. അതിനു ശേഷം എന്നാണ് ബൈബിൾ സ്കൂളിൽ പഠിപ്പിക്കുവാൻ പോയതെന്നു അദ്ദേഹത്തിനോ സ്കൂളുകാർക്കോ അറിയില്ല. പിന്നീട് ഒരിക്കലും ബൈബിൾ സ്‌കൂളിൽ പഠിപ്പിക്കാൻ വിളിച്ചിട്ടില്ല. സൗജന്യമായി “സ്വന്തം ചിലവിൽ ബൈബിൾ സ്കൂളുകളിൽ പഠിപ്പിക്കുവാൻ പോകുന്ന ഒരു മഹാൻ ആണോ ?.അരൊക്കെയോ മരിച്ചുപോയി എന്ന് അദ്ദേഹം പറയുന്നു, അവരുടെ മക്കളും മരുമക്കളും ജീവനോടെ ഇരിക്കുന്ന കാര്യം ഇദ്ദേഹം വിസ്മരിച്ചുവോ ?പതിനാലുവയസിൽ തുടങ്ങിയ ദൈവവേല ആരംഭ കാലത്തു താങ്കൾക്ക് ആത്മഭാരം ഉണ്ടായിരുന്നു. വർഷങ്ങൾ പിന്നിട്ടപ്പോൾ താങ്കളെ ഉയർത്തിയ വഴി താങ്കൾ മറന്നതുകൊണ്ടല്ലേ സാധരണക്കാരെ തള്ളിയത്.

വ്യാജം പറയുന്നത് ജോയി പാസ്റ്ററോ,ബാംഗ്ലൂർ കാരനോ ?

ഡൽഹി സ്റ്റേറ്റ് ചീഞ്ഞു നാറുന്നില്ലേ ?

ബാംഗ്ലൂർ ബൈബിൾ കോളേജ് സംബന്ധിച്ചുള്ള വിവരങ്ങൾ മാത്രം അദ്ദേഹത്തിന് വ്യക്തമായ ഓർമ്മയില്ല പോലും.

പടയാളി വ്യാജം പറയില്ല, ഡൽഹിയിലെ പേര് പറയാത്ത, സ്റ്റേറ്റിൽ നിന്നും പുറത്താക്കപ്പെട്ട ആൾ തെറ്റി ധരിപ്പിച്ചതെന്നുപോലും അതാണോ ജോയി പാസ്റ്റർ സത്യം? ( അങ്ങനെ എങ്കിൽ മുട്ടം ബെന്നിക്ക് ന്യൂസ്‌ കൊടുത്തത് ആർ, അവരെ ഞങ്ങൾ കണ്ടുപിടിക്കും എന്നൊക്കെ പുലമ്പി സ്റ്റേറ്റ് സെക്രട്ടറി അയാൾക്കു സംശയമുള്ള ചിലർക്ക് ഭീഷണി കത്ത് വിട്ടതെന്തിന് ) താങ്കൾ നിലമറന്നാണ് സംസാരിക്കുന്നത്. താങ്കൾക്ക് ഇപ്പോൾ സമ്പത്തിന്റെ വില അറിയില്ല, അല്ലെങ്കിൽ ധൂർത്തും ചെയ്യുന്നതിൽ ഖേദം ഇല്ല. ( എനിക്കു ന്യൂസ്‌ തന്നത് ഒന്നിൽ കൂടുതൽ പാസ്റ്റർ മാർ, അവരൊക്കെ നിങ്ങളുടെ കൂട്ടത്തിൽ തന്നെയുണ്ട് )

ഇദ്ദേഹം മറുപടി പറയാത്ത വിഷയങ്ങൾ ഇവയാണ് .ഡൽഹി സ്റ്റേറ്റുമായി യാതൊരു ബന്ധമില്ലാത്തതുമായ ഒരു ബിസിനസുകാരനെ പ്രസിഡന്റാക്കിയതിൽ പ്രതിക്ഷേധിച്ച് ചില ദൈവദാസന്മാർ ജനറൽ കൗൺസിലിൽ പരാതിപ്പെടുകയും സാമുവൽ എം.തോമസിന്റെ നിയമനം ജനറൽ കൗൺസിൽ 6 മാസത്തേക്ക് തടഞ്ഞുവെച്ചതുമാണ്.എന്നാൽ സാമുവൽ എം തോമസിന്റെയും കെ.ജോയിയുടെയും ലക്ഷക്കണക്കിന് രൂപായുടെ (കുമ്പനാട്ട് നൽകിയത് ) മുൻപിൽ പരാതിപ്പെട്ട ദൈവദാസന്മാരെ വിഡ്ഡികളാക്കി ജനറൽ കൗൺസിൽ എക്സിക്യൂട്ടീവുകൾ (ജേക്കബ് ജോൺ, പണം മാത്രം നോക്കുകയും കാണുകയും ചെയ്യുന്ന മാന്യൻ ) ഏക പക്ഷീയമായി സാമുവൽ എം.തോമസിനെ ഡൽഹിയുടെ പ്രസിഡന്റായി കെ.ജോയി യുടെയും സാമുവൽ എം തോമസിന്റെയും പണത്തിനു പ്രത്യുപകാരമായി പ്രഖ്യാപിച്ചു. ഇതിനു മറുപടി ഇല്ലേ ?

 # കഴിഞ്ഞ വർഷം മിച്ചം വന്ന തുക പാസ്റ്റർമാർക്ക് 4 മാസത്തെ സപ്പോർട്ട് അഡ്വൻസായി നൽകിയവർ എന്തുകൊണ്ട് ഈവർഷം നൽകിയില്ല?

# യഥാർത്ഥത്തിൽ  കഴിഞ്ഞ വർഷം നൽകിയ നിരോധിച്ച നോട്ടുകൾ കള്ളപ്പണം വെളുപ്പിക്കൽ ആയിരുന്നില്ലേ ? 

# കഴിഞ്ഞ വർഷം നൽകിയത് കൺവൻഷന് മിച്ചം വന്ന തുക ആയിരുന്നു എങ്കിൽ ഈ വർഷവും അങ്ങനെ തന്നെ ചെയ്യാഞ്ഞതെന്ത് ?

ഇവയൊക്കെ വിഴുങ്ങിയത് എന്തെ ?
ഇവയൊക്കെയാണ് പടയാളി നിരത്തിയ സത്യങ്ങൾ. എന്നാൽ പറയാത്തതും എഴുതാത്തതുമായ കാര്യങ്ങളുടെ മറുപടി വീഡിയോയിലൂടെ പുറത്തുവിട്ട് പാസ്റ്റർ കെ ജോയി വീണ്ടും വിശുദ്ധിയുടെ വേഷം കെട്ടുന്നു.
സഹ ശുശ്രൂഷകനായിരുന്ന ഒരാളിൽ ഏതോ ഗുരുതരമായ തെറ്റ് കണ്ട് അദ്ദേഹത്തെ ശാസിക്കുകയോ ശിക്ഷിക്കുകയോ ചെയ്തപ്പോൾ അദ്ദേഹം പാസ്റ്റർ കെ.ജോയിക്കെതിരായി അവിഖ്യാതികൾ എഴുതി എന്നാണല്ലോ വീഡിയോയിൽ പറയുന്നത് ?
1- ആ ശുശ്രൂഷകൻ ചെയ്ത ഗുരുതരമായ വീഴ്ചഎന്തെന്നു വെളിപ്പെടുത്താമോ ?
2- ആ ഒരു ശുശ്രൂഷകൻ മാത്രമേ പ്രതികരിച്ചുള്ളോ ?
3- താങ്കൾ സ്വയമായി പരിശുദ്ധാത്മ നിയോഗപ്രകാരം സ്ഥാനമൊഴിഞ്ഞതാണെങ്കിൽ നിരപരാധിയായ ആ ദൈവദാസനെ എന്തിനാണ് വീഡിയോയിലൂടെ കുറ്റപ്പെടുത്തുന്നതും, ആക്ഷേപിക്കുന്നതും ?
4- സംഭവം നടന്ന രണ്ടു വർഷങ്ങൾ നിങ്ങൾ മിണ്ടാതിരുന്നിട്ട് ,ഉന്നയിച്ച ആരോപണങ്ങൾ ഒന്നും ഖണ്ഡിക്കാതെയിരുന്നിട്ട് ഇരുട്ടുമുറിയിൽ കയറിയിരുന്ന് ഉണ്ടായ കാര്യങ്ങളെല്ലാം മറച്ചു വച്ച്” കള്ളങ്ങളുടെ ” ഒരു പുസ്തകം ഇറക്കി മാലോകരെക്കൊണ്ട് നിങ്ങൾ എഴുതിയ കള്ളങ്ങൾ പണം കൊടുത്ത് വാങ്ങി വായിപ്പിക്കുന്നത് ന്യായമാണോ ?
5- പരിശുദ്ധാത്മാവാണ് നിങ്ങളോട് സ്ഥാനം ഒഴിയാൻ കല്പിച്ചതെന്നു പറയുകയും ,നിങ്ങളുടെ ഒടുക്കത്തെ (അവസാനത്തെ എന്നു നിങ്ങൾ തന്നെ പറയുന്ന ) പുസ്തകത്തിൽ ഉടനീളം 150 മത്തെ പേജ് മുതൽ നിങ്ങൾ വീഡിയോയിൽ പറയുന്ന ദൈവദാസനെക്കുറിച്ച് വേണ്ടാതീനങ്ങൾ എഴുതിയിരിക്കുന്നത് നീതിയാണോ ?ഇത് നിങ്ങളുടെ ഇരട്ട താപ്പല്ലേ ?
6- പരിശുദ്ധാത്മാവാണ് സ്ഥാനം ഒഴിയാൻ കൽപ്പിച്ചതെങ്കിൽ നിങ്ങൾ എന്തിനാണ് പ്രസ്തുത ദൈവദാസനോട് ശത്രുത വച്ച് പുലർത്തുന്നത് ?
7- നിങ്ങൾ ഈ പ്രാവശ്യം നടത്തിയ തിരുവത്താഴ ശുശ്രൂഷയിൽ നിങ്ങൾ അദ്ദേഹത്തിന് വലം കൈയ്യും ,ചുംബനവും കൊടുത്തോ ?
നിങ്ങൾ അദ്ദേഹത്തെ സ്നേഹിക്കുന്നു എന്നല്ലേ വീഡിയോയിൽ പറഞ്ഞത് ? അത് സത്യമാണോ ?എങ്കിൽ എന്തുകൊണ്ട് നിങ്ങൾ തിരുവത്താഴ ശേഷം അദ്ദേഹത്തിന് വിശുദ്ധ ചുംബനം നൽകിയില്ല.??
ഇങ്ങനെ പച്ചക്കള്ളം പറയാൻ നിങ്ങൾക്ക് എങ്ങനെ നാവു പൊങ്ങി ?
8- നിങ്ങൾ വീഡിയോയിൽ പറയുന്ന ഒരാൾ മാത്രമേ നിങ്ങളുടെ ഏകാധിപത്യ ഭരണത്തിന് എതിർ നിന്നുള്ളോ ?
9- അഞ്ചിൽ അധികം പേർ ഒപ്പിട്ട പരാധിയാണ് ജനറൽ കൌൺസിലിനു ലഭിച്ചത് .അതിന്റെ കോപ്പി പടയാളിയുടെ പക്കലുണ്ട് . എന്നിട്ട് നിങ്ങൾ വീഡിയോയിൽ ഒരാളെക്കുറിച്ചു മാത്രം പറയുന്നതെന്ത്?
10- നിങ്ങൾ വി ഡിയോയിൽ പറയുന്ന നിങ്ങളുടെ കൂട്ടുവേലക്കാരനാണ് പടയാളിക്ക് ഡൽഹി സ്വറ്റേറ്റിലെ ചീഞ്ഞു നാറുന്ന കാര്യം തന്നതെന്ന് നിങ്ങളോട് ആര് പറഞ്ഞു ?അത് നിങ്ങൾ തന്നെ അങ്ങ് ഉറപ്പിച്ചാൽ എങ്ങനെ ശരിയാകും ?
പ്രസ്തുത ദൈവദാസനെ പടയാളിക്ക് അറിയില്ല . നിങ്ങൾ വിഡിയോയിലൂടെ ഇത്രയും പറഞ്ഞ സ്ഥിതിക്ക് പടയാളി പ്രസ്തുത ദൈവദാസനെ കണ്ടു പിടിക്കും. സത്യം അറിയുകയും ഇതുവരെ പൊതു ലോകം അറിയാതെ ഡൽഹിക്കാർ മാത്രം അറിഞ്ഞ സത്യം ഇനി പരമ്പരകളായി എല്ലാവരും അറിയും .

11- ജനറൽ കൗൺസിലിലേക്ക് അയച്ച പരാതി ജനറൽ കൗൺസിലിൽ ചർച്ച ചെയ്താൽ നിങ്ങൾക്ക് പ്രതികൂലമായി കാര്യങ്ങൾ നീങ്ങും എന്നു മനസ്സിലാക്കിയതുകൊണ്ടല്ലേ നിങ്ങൾ ജേക്കബ് ജോണിനെയും ,സുദർശൻ പിള്ളയെയും (പത്രക്കാരനായതു കൊണ്ട് ) വിമാന ടിക്കറ്റ് കൊടുത്ത് ഡൽഹിയിൽ വരുത്തി ഒത്തുതീർപ്പിന് ശ്രമിച്ചത് ? എന്നിട്ട് പ്രസ്തുത ദൈവദാസന്മാർ നിങ്ങൾ വിളിച്ച മീറ്റിംഗിൽ വരാതെ ജനറൽ കൗൺസിലിന്റെ മുൻപിലേ ഹാജരാകയുള്ളൂ എന്ന് ശഠിച്ചപ്പോൾ 2015 സെപ്റ്റംബർ 11 ന് പ്രസ്തുത പരാതിക്കാർ ജനറൽ കൗൺസിലിൽ വന്നപ്പോൾ വിഷയം ജനറൽ കൗൺസിലിൽ ചർച്ച ചെയ്യാതെ ജനറൽ എക്സിക്യൂട്ടീവുകൾ മാത്രം (പ്രസിഡന്റ് ,വൈസ് പ്രസിഡന്റ് ,ജോയിന്റ് സെക്രട്ടറി) ചർച്ച ചെയ്ത് പ്രശ്നം പരിഹരിച്ചത് നിങ്ങളുടെ പണത്തിന്റെ യും ,ആൾ സ്വാധീനവും കൊണ്ടല്ലേ ?ജനറൽ കൗൺസിലിൽ ചർച്ച ചെയ്യേണ്ട വിഷയം എക്‌സിക്യൂവുക മാത്രം ചർച്ച ചെയ്യണമെങ്കിൽ അത് സ്വാധീനമില്ലാതെയാണോ ?
എന്നിട്ട് വീഡിയോയിൽ ഞാൻ ഇതുവരെ ആരെയും സ്വാധീനിച്ചിട്ടില്ലെന്നു പറയുന്നത് പച്ചക്കള്ളമല്ലേ ?
അദ്ദേഹത്തിന്റെ വീഡിയോ താഴെ ചേർക്കുന്നു.

സ്വയമായി നീതികരിക്കപ്പെടാൻ കഴിയാത്തവർക്ക് നാലാംകിട ഗ്രൂപ്പുകാരുടെ സഹായം ആവശ്യം വരും എന്നാൽ പടയാളിക്കു വ്യാജം ശീലമില്ല .

  Categories:
view more articles

About Article Author

write a comment

0 Comments

No Comments Yet!

You can be the one to start a conversation.

Add a Comment

Your data will be safe! Your e-mail address will not be published. Also other data will not be shared with third person.
All fields are required.