തിരുവനന്തപുരം: സംസ്ഥാനത്ത് വീണ്ടും കനത്ത മഴയ്ക്ക് സാധ്യത. ഞായറാഴ്ചയോടെ രൂപപ്പെടുന്ന ന്യൂനമര്ദ്ദം തിങ്കളാഴ്ചയോടെ ചുഴലിക്കാറ്റായി മാറാന് സാധ്യതയുണ്ടെന്ന കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കി. ലക്ഷദ്വീപിന് സമീപമാണ് ന്യൂനമര്ദ്ദം രൂപപ്പെടുന്നതെന്നും കാലാവസ്ഥാ കേന്ദ്രം വിശദമാക്കി. അടുത്ത രണ്ട് ദിവസം സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്നാണ് മുന്നറിയിപ്പ് .
ഇടുക്കി, തൃശ്ശൂര്, പാലക്കാട് ജില്ലകളില് റെഡ് അലര്ട്ട് നല്കി. മത്സ്യത്തൊഴിലാളികള് അടുത്ത രണ്ട് ദിവസത്തേയ്ക്ക് കടലില് പോകരുതെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. ജാഗ്രതാനിര്ദ്ദേശം കണക്കിലെടുത്ത് തിരുവനന്തപുരത്ത് മുഖ്യമന്ത്രിയുടെ അധ്യക്ഷതയില് കാലാവസ്ഥാനിരീക്ഷണകേന്ദ്രത്തിലെയും ദുരന്തനിവാരണ അതോറിറ്റിയിലെയും ഉന്നതതല ഉദ്യോഗസ്ഥര് പങ്കെടുക്കുന്ന യോഗം ചേരുകയാണ്. യോഗശേഷം മുഖ്യമന്ത്രി മാധ്യമങ്ങളെ കാണും.
പ്രളയം നല്കിയ ദുരന്തത്തിന്റെ ആഘാതം മാറും മുമ്പേയാണ് വീണ്ടുമൊരു കനത്ത മഴയ്ക്ക് കൂടി സാധ്യതയുണ്ടെന്ന മുന്നറിയിപ്പ് വരുന്നത്. ഈ മുന്നറിയിപ്പ് തീരദേശ ഗ്രാമങ്ങളിലും, തുറമുഖങ്ങളിലും, മത്സ്യബന്ധന മേഖലയിലെ ആരാധനാലയങ്ങളിലും, തീരപ്രദേശത്തെ ജനപ്രതിനിധികളെയും, മത്സ്യബന്ധനവുമായി ബന്ധപ്പെട്ട് പ്രവര്ത്തിക്കുന്ന മറ്റു സര്ക്കാര് സ്ഥപനങ്ങളെയും അറിയിക്കണമെന്ന് ഫിഷറീസ് വകുപ്പിന് നിര്ദേശം നല്കിക്കഴിഞ്ഞു. ദീര്ഘുനാളത്തെക്ക് അറബികടലില് മത്സ്യ ബന്ധനത്തിന് പോയവരെ ഈ വിവരം അറിയിക്കുന്നതിന് നടപടി സ്വീകരിക്കും. ദീര്ഖ നാളത്തെക്ക് അറബികടലില് മത്സ്യ ബന്ധനത്തിന് പോയവര് ഒക്ടോബര് 5ന് മുമ്പ് സുരക്ഷിതമായി തീരം അണയണം എന്ന് നിര്ദ്ദേശിച്ചിട്ടുണ്ട്. അടിയന്തിര രക്ഷാപ്രവര്ത്ത ന ബോട്ടുകള് പ്രവര്ത്തനക്ഷമമാണെന്ന് ഉറപ്പ് വരുത്തണമെന്നും നിര്ദേശിച്ചിട്ടുണ്ട്.
Comment:*
Nickname*
E-mail*
Website
Save my name, email, and website in this browser for the next time I comment.