by Vadakkan | 4 August 2020 7:33 PM
ന്യുഡല്ഹി: അഫ്ഗാന് ജയിലിന് നേരെ നടന്ന ഭീകരാക്രമണത്തിന് പിന്നില് മലയാളി ഐ.എസ് ഭീകരനെന്ന് രഹസ്യാന്വേഷണ വിഭാഗം.
ജയിലില് കഴിയുന്ന ഭീകരരെ രക്ഷപ്പെടുത്താനായി കഴിഞ്ഞ ദിവസം അഫ്ഗാനിസ്ഥാനിലെ ജലാലാബാദ് ജയിലാണ് ഭീകരര് ആക്രമിച്ചത്. ഭീകരരടക്കം 29 പേര് സംഭവത്തില് കൊല്ലപ്പെട്ടിരുന്നു. കാസര്കോട് പടന്ന സ്വദേശി കെ.പി. ഇജാസാണ് ആക്രമണത്തിന് നേതൃത്വം നല്കിയതെന്നാണ് രഹസ്യാന്വേഷണ വിഭാഗം പറയുന്നത്.
2016 ല് കാസര്കോട് നിന്ന് കാണാതായ ഇജാസും ഭാര്യയും അടക്കം 19 പേരെ കണ്ടെത്താന് എന്.ഐ.എ ഇന്റപോളിെന്റ സഹായം തേടിയിരുന്നു. എന്നാല്, ഈ നീക്കം വിജയിച്ചില്ല. ഈ സംഘം ഐ.എസില് ചേര്ന്നുവെന്നായിരുന്നു നിഗമനം. അതേ ഇജാസ് തന്നെയാണോ ഇതെന്ന കാര്യത്തില് കൃത്യത വന്നിട്ടില്ല.
അഫ്ഗാനിലെ ജലാലാബാദ് ജയിലിന് നേരെ നടന്ന ആക്രമണത്തിെന്റ മുഖ്യ സൂത്രധാരന് കെ.പി ഇജാസാണെന്നാണ് റിപ്പോര്ട്ട്. കാര്ബോംബ് സ്ഫോടനമുണ്ടാക്കിയ ശേഷം വെടിവെപ്പ് നടത്തുകയായിരുന്നു. പത്ത് ഭീകരരടക്കം 29 പേരാണ് കൊല്ലപ്പെട്ടത്.
Source URL: https://padayali.com/%e0%b4%85%e0%b4%ab%e0%b5%8d%e0%b4%97%e0%b4%be%e0%b4%a8%e0%b5%8d%e2%80%8d-%e0%b4%9c%e0%b4%af%e0%b4%bf%e0%b4%b2%e0%b4%bf%e0%b4%b2%e0%b5%86-%e0%b4%ad%e0%b5%80%e0%b4%95%e0%b4%b0%e0%b4%be%e0%b4%95%e0%b5%8d/
Copyright ©2024 Padayali unless otherwise noted.